उपत्यकामा नेकपाको शक्ति प्रदर्शन, यी ठाउँबाट निस्कियो जुलुस

काठमाडौं। प्रतिनिधिसभा विघटनविरूद्ध पुष्पकमल दाहाल प्रचण्ड-माधवनेपाल नेतृत्वको नेपाल कम्युनिष्ट पार्टी

(नेकपा) ले काठमाडौंमा आज बृहत विरोध आमसभाको आयोजना गर्दैछ। आजको बृहत आमसभामा २ लाख प्रदर्शनकारीले सहभागिता जनाउँदै छन्। बिरोधसभामा अध्यक्षद्वय प्रचण्ड र माधवकुमार नेपाललगायत नेताले बोल्ने कार्यक्रम रहेको छ। सचिवालय र स्थायी कमिटी सदस्यको नेतृत्वमा माइतीघर, डिल्लीबजार, लैनचौर, त्रिपुरेश्वर, कुपन्डोल, प्रदर्शनी मार्ग, त्रि–चन्द्र कलेज, बाल्मीकि क्याम्पसलगायतका स्थानबाट निस्किएर रत्नपार्कको मुख्य जुलुसमा सहभागी हुनेछ। रत्नपार्कबाट सुरू हुने मुख्य जुलुसलाई अध्यक्षद्वय प्रचण्ड र नेपालले नेतृत्व गरी पुतलीसडक हुँदै भृकुटीमण्डपमा आयोजना हुने विरोधसभामा परिणत गराउने योजना रहेको सहसंयोजक भट्टराईले जानकारी दिए। प्रतिनिधिसभा बिघटनपछि राजनीतिक रुपमा विभाजित भएका प्रचण्ड-माधव नेपाल नेतृत्वको नेकपाले दोस्रोपटक काठमाडौंमा बृहत प्रदर्शन गरेको हो।